Lokalavdeling Indre Sogn er ei av 67 lokalavdelingar som sørger for eit lokalt tilbod og aktivitetar ute i distrikta gjennom entusiastiske, frivillige tillitsvalde som jobbar for eit sterkt og tydeleg NAF.
NAF avd. Indre Sogn dekker området: Balestrand, Vik, Leikanger, Sogndal, Luster, Lærdal og Aurland. Avdelinga vart stifta i 1932 og har ca. 2600 medlemmar.
Me har haust- og våraksjonar med lokale verkstadar og NAF Aksjonsvogn der medlemmane kan få utført enklare kontrollar og sjekk av bilen.
NAF skal kjempe for medlemmane gjennom markant samfunnspåverknad for å sikre trygg, effektiv og miljøvenleg samferdsel. NAF-medlemmar kan påverka NAF sitt arbeid lokalt med å engasjera seg som tillitsvald. Me har i dag ei rekke engasjerte medlemmar og tillitsvalde som arbeider i ditt lokalmiljø.
Årsmøtet i lokalavdelinga vert halde på Lægreid Hotell i Sogndal onsdag 29. mars kl. 18.00.
Laurdag 24. september arrangerte me jubileumsmiddag på Eikum Hotell for dei som har vore NAF-medlem i 50 år.
